سارک چیمبر آف کامرس اینڈ انڈسٹری کے ارکان نے پاکستان میں امن کی بہتر صورتحال اور بڑھتی سرمایہ کاری کو خوش آئند قراردیااورکہا کہ جب تک بھارت پاکستان کے ساتھ مذاکرات کی میز پر نہیں آئے گا خطے میں نہ امن ہو گا اور نہ ہی سارک ممالک کے درمیان تجارت بڑھے گی۔

SAARC Chamber of Commerce and Industry delegation to visit Lahore

سارک ممالک کے چیمبرآف کامرس کا آٹھ رکنی وفد سالانہ اجلاس میں شرکت کے لئے واہگہ کے ذریعے لاہور پہنچا، واہگہ بارڈر پر میڈیا سے گفتگو میں سارک چیمبر کے صدر سورج وادھیا کا کہنا تھا کہ خطے میں امن اور تجارت بڑھانے کے لئے تمام سارک ممالک کو اختلافات بھلا کر مل بیٹھنا ہو گا ،خاص کر دوطرفہ مسائل کے حل کے لیے بھارت کا پاکستان کے ساتھ ایک میز پر جلد بیٹھنا بہت ضروری ہے ۔وفد کے دیگر ارکان کا کہنا تھا کہ سارک ممالک کے چیمبرز کی کوشش ہے کہ آپس میں ویزہ پالیسیوں کو نرم کیا جائے اور تجارتی معاہدوں کو از سرنو ترتیب دیا جائے۔ سارک ممبران نے پاکستان میں امن کی بہتر ہوتی صورتحال کو خطے کے لئے سود مند قرار دیا ،انکا کہنا تھا کہ دورے کے دوران وزیر اعلیٰ پنجاب شہباز شریف سے پنجاب میں سرمایہ کاری پر تفصیلی بات چیت ہو گی۔