اسلام آباد(اصغر علی مبارک) راولپنڈی اسلام آ باد یونین آف جرنلسٹس (آر آئی یو جی) برنا کے انتخابات برائے سال2018-19 کے لئے دو پینلز سامنے آئے ہیں ۔ سکبدوش ہونے والے صدر شکیل احمد اورچیئر مین لوکل ایپنک محمد صدیق انظر کی قیادت میں اشفاق ساجد پینل جبکہ مرکزی چیئر مین ایپنک سید اکرام بخاری اور سینئر صحافی جمیل مرزا کی قیادت میں ڈیموکریٹک پینل کے امیدواروں نے جوش و خروش سے الیکشن کمیٹی کو اپنے کاغذات جمع کروائے۔
چیئر مین الیکشن کمیٹی سمیع ابراہیم نے اپنے دیگر ممبران آصف بٹ اور طارق مسعود کے ہمراہ جمعہ کو پی ایف یو جے سیکرٹریٹ میلوڈی آفس میں کاغذات وصول کئے اور موقع پر ہی جانچ پڑتال کی ۔اشفاق ساجد پینل میں شکیل احمد (صدر) محمد صدیق انظر(جنرل سیکرٹری) فدا شیرازی اور جاوید ملک (نائب صدر) فرحت فاطمہ اوراسد تنولی (جوائنٹ سیکرٹریز) ظہیر عالم (فنانس سیکرٹری ) کے عہدوں کے امید وار ہیں جبکہ اسی پینل میں گورننگ باڈی کے لئے نعیم سندھو ، سجاد مشوانی ،راجہ عتیق، محمد شبیر مغل، نعیم بودلہ ، محمد رضوان ، ایاز اکبر، نقی کاظمی، نویدنقوی ، عمر حیات، راجہ خرم ، قیصر گل ،راؤ رضوان، اور رانا فہد شامل ہیں۔
ڈیموکرٹیک پینل کے امیدواروں میں سید اکرام بخاری صدر ، جمیل مرزا جنرل سیکرٹری ، نجف شیرازی اور مجیب شاہ نائب صدور، قاضی رضوان اور طارق عزیز جوائنٹ سیکرٹریز ، راجہ لیاقت فنانس سیکرٹری جبکہ گورننگ باڈی کیلئے فائزہ یونس ، عثمان رضوی ، راناعثمان، قیصر تنولی ، عدنان بری ، عمیراحمد مزمل ، شہزاد راجپوت، محمد ظریف ، شعیب احسن، محمد سہیل ، صوبیہ مشرف اور عبدالرحمن شامل ہیں ۔ آج 17 مارچ کو حتمی فہرست آویزاں کی جائے گی ۔
آر آئی یوجے انتخابات، دو نئے پینلز سامنے آگئے
