اسلام آباد : وفاقی وزیر اطلاعات پرویز رشید نے کہا کہ 2013ء کے انتخابات کو عالمی اداروں نے بھی شفاف قرار دیا تھا۔ خان صاحب نے یہی باتیں 2013ء میں بھی کی تھی۔ لاہور کے شہریوں کو خوبصورت میٹرو کا تحفہ دیا ہے۔
کمپین میں حصہ لونگا، گیارہ اکتوبر تک لاہور میں ہی رہونگا۔ انہوں نے مزید کہا کہ لاہور شہر شیروں کا شہر ہے، ہمیں کوئی ڈرنہیں۔ ہری پور میں عمران کو 45 ہزار ووٹوں سے شکست ہوئی۔ چوتھی مرتبہ بھی این اے 122 کا نیتجہ وہی نکلے گا جو پہلی 4 بار نکلا۔
انہوں نے مزید کہا کہ عمران خان کی سیاست 2 سال میں مینار پاکستان سے نکل کر ڈونگی گراؤنڈ میں گر گئی۔ عمران خان کے امیدوار اپنے نوٹوں کو ووٹوں میں تبدیل نہیں کر سکتے، ہری پور میں لیگی کارکن سے شکست، خیبر پختونخوا میں ناکامی کا ثبوت ہے۔ انہوں نے مزید کہا کہ وزیر اعظم نے رواں سال 40 لاکھ روپے ٹیکس ادا کیا۔
