اسلام آباد : نیب نے سابق وزیر اعظم راجا پرویز اشرف کے خلاف نوڈیرو رینٹل پاور کیس کا ریفرنس احتساب عدالت میں جمع کرا دیا۔ سابق وزیر اعظم راجا پرویز اشرف سمیت 8 ملزمان کو طلب کر لیا گیا۔
نیب نے سابق وزیر اعظم راجا پرویز اشرف سمیت 8 ملزمان کے خلاف نوڈیرو-ون رینٹل پاور ریفرنس اسلام آباد کی احتساب عدالت میں جمع کرایا۔
نیب ریفرنس کے مطابق ملزمان اختیارات کے ناجائز استعمال، قوانین کی خلاف ورزی اور غیرقانونی ٹھیکے دینے کے مرتکب پائے گئے ہیں۔
عدالت نے راجہ پرویز اشرف سمیت سابق سیکرٹری پانی و بجلی شاہد رفیع، سابق سیکرٹری اسماعیل قریشی، پیپکو کے سابق ایم ڈیز طاہر بشارت چیمہ اور منور بصیر کو بھی 9 اکتوبر کے دن طلبی کے سمن جاری کر دئیے ہیں۔
