ننکانہ صاحب(نمائندہ یس اردو)محکمہ اوقاف کے رینٹ کلرک نے دوشیزہ کو ملازمت کا جھانسہ دیکر بے آبرو کردیا ، ملزم کے کردار بارے پہلے بھی شکایات تھیں ۔ تفصیلات کے مطابق محکمہ اوقاف کے رینٹ کلرک محمد ارشد عرف فوجی نے گزشتہ روز رانا ٹاؤن امامیہ کالونی لاہور کی 25سالہ نو جوان (م) کو فون کیا کہ محکمہ اوقاف میں ایک خاتون ملازمہ کی ضرورت ہے آپ 25000ہزار لیکر آجائیں جب مذکورہ دوشیزہ کچہری پھاٹک ننکانہ پر پہنچی تو ملزم فوجی ارشد لڑکی کو دفتر لیجانے کی بجائے اپنے گھر لے گیا جہاں پر اس نے لالچ اور قتل کی دھمکی دیکر اسے بے آبرو کر ڈالا لڑکی کی چیخ وپکار سن کر اہل محلہ اکٹھا ہوگئے متاثرہ لڑکی اہل محلہ کیساتھ فریاد لیکر سٹی تھانہ ننکانہ پہنچی اور اپنے ساتھ ہونیوالی ساری کہانی سنائی متعلقہ تفتیشی آفیسر ASI ممتاز اجمل نے لڑکی کے بیان کے بعد ارشد فوجی کے گھر واقع موگا منڈی چھاپہ مارکر اسے گرفتار کرلیااس واقعہ کی اطلاع ملتے ہی صحافی تھانہ سٹی پہنچے تو معلوم ہوا کہASIممتاز اجمل دو گھنٹے سے لڑکی سمیت غائب ہے صحافیوں نے DPOننکانہ کو اس واقعہ کی اطلاع دی جس پر DPO نے متاثرہ لڑکی کی میڈیکل رپورٹ کیلئے ڈی ایچ کیو ہسپتال بھیجوا دیا میڈیکل رپورٹ کے مطابق لڑکی سے زیادتی ہونا ثابت ہوگئی جس پر تھانہ سٹی ننکانہ پولیس نے ملزم ارشدفوجی کے خلاف F.I.Rدرج کرکے تفتیش شروع کردی جبکہ DPOننکانہ رانا ایاز سلیم نے تھانہ سٹی ننکانہ کے ایس ایچ او احد مسعود گجر کے خلاف بروقت اطلاع نہ دینے پر نوٹس جاری کردیا
