اسلام آباد(ایس ایم حسنین)صاف اور شفاف انتخابات کیلئے تمام سیاسی جماعتوں پر مشتمل قومی کمیشن کی نگرانی میں گلگت بلتستان میں دوبارہ انتخابات کرائے جائیں۔ یہ بات جمعیت علما اسلام ف کے مرکزی سیکرٹری جنرل مولانا عبدالغفور حیدری نے پارلیمنٹ لاجز میں پریس کانفرنس کرتے ہوئے کہی۔ انھوں نے کہا کہ گلگت بلتستان انتخابات بارے پہلے ہی خدشے کا اظہار کیا تھاہماری بات درست ثابت ہوئی،پی ڈی ایم نے اجلاس میں انتخابات کے بعد آئندہ کے لائحہ عمل کا فیصلہ کرنا ہے،پی ڈی ایم جماعتوں نے فیصلہ کرنا ہے ان کو جعلی انتخابات کے بعد حلف اٹھانا چاہیے یا نہیں،الیکشن کمیشن قانون کے تحت وزرا اور عہدیدار انتخابات میں حصہ نہیں لے سکتے تھے۔مولانا عبدالغفور حیدری کا کہناتھا کہ رات کو امیدوار جیتا صبح ہار گیا،چار پانچ حلقوں میں ہماری کامیابی یقینی تھی تاہم ہمارے امیدواروں کو ہرا دیا گیا،ہم بڑی مشکل سے دوبارہ گنتی پر ایک نشست پر کامیاب ہوئے،گلگت بلتستان میں دو ہزار اٹھارہ عام انتخابات کی یاد تازہ کی گئی،ا نتخابات کے نام پر ڈرامہ رچایا گیا اور ووٹ خریدے گئے،دھاندلی سے متعلق کسی ادارے نے بلایا تو ثبوت پیش کریں گے ۔انھوں نے کہا کہ وفاقی وزیر امور کشمیر اور دیگر کو بھی انتخابی مہم سے منع کرنے کو کہا گیا تھا مگر انتخابی ضابطہ اخلاق کی دھجیاں اڑائی گئیں، وزرا سمیت وزیر اعظم نے بھی وہاں کا دورہ کیا اعلانات کئے جعلی بیلٹ پیبرز بڑی تعداد میں تقسیم کئے گئے ،حلقہ دو گلگت میں جیتنے والے کو دو ووٹوں سے ہرا دیا گیا،بیلٹ پیپر اُن من پسند افراد کو دئے گئے جن کو جتواناتھا ،منتخب اراکین کو خرید کر پی ٹی آئی میں شامل کیا گیادوہزار اٹھارہ کے فارمولے کو گلگت بلتستان میں دوہرایا گیااس دھاندلی کا کون ذمہ دار ہو گا؟نوٹس کون لے گا؟انتخابی قوانین کی خلاف ورزی پر ان وزرا کو کون سزا دے گا؟الیکشن سے قبل دو سو ارب روپے کے ترقیاتی کاموں کے وعدے کیے گئے، الیکشن سے قبل ترقیاتی کاموں کے وعدے دھاندلی کے زمرے میں آتے ہیں گلگت بلتستان انتخابات میں حکومتی مشینری کا بے دریغ استعمال کیا گیا.مولانا عبد الغفور حیدری نے کہاکہ چیف الیکشن کمشنر گلگت بلتستان کو مستعفی ہونا چاہیے،چیف الیکشن کمشنر گلگت بلتستان انتخابات میں اپنی آئینی ذمہ داری پوری کرنے مین ناکام ہوئے،ہمارا مطالبہ ہےکہ گلگت بلتستان الیکشن کمیشن کے تمام عہدیداران کو مستعفی ہوجانا چاہیے ، گلگت بلتستان انتخابات پر تمام سیاسی جماعتوں نے اپنے تحفظات اور خدشات سے آگاہ کیے،اگر اسٹیبلشمنٹ کی جانب سے مذاکرات کی آفر آئی تو حتمی فیصلہ پی ڈی ایم قیادت کرے گی،گلگت بلتستان انتخابات میں دھاندلی کی پیشگی اطلاعات تھیں لیکن حکومت کا چہرہ بے نقاب کرنے کیلئے انتخابات میں حصہ لیا