Rawalpindi Bride shot dead out side the beauty parlour in a dispute with relatives
راولپنڈی کے علاقے دھمیال میں چکری روڈ کے قریب واقع بیوٹی پارلر کے باہر فائرنگ کا واقعہ ہوا۔
پولیس ذرائع کے مطابق ایک موٹر سائیکل پر سوار 3 افراد نے بیوٹی پارلر سے تیار ہو کر نکلنے والی دلہن کو فائرنگ کا نشانہ بنایا۔
دلہن کے ساتھ گاڑی میں سوار ایک خاتون سمیت دو دیگر افراد بھی زخمی ہوئے۔
تینوں زخمیوں کو ہسپتال منتقل کیا جا رہا تھا کہ راستے میں ہی دلہن زخموں کی تاب نہ لاتے ہوئے ہلاک ہوگئی۔
ہلاک ہونے والی لڑکی کی شناخت 22 سالہ آمنہ کے نام سے ہوئی۔
ذرائع نے بتایا کہ راولپنڈی کے قریب صادق آباد کی رہائشی آمنہ کی آج رخصتی ہونے والی تھی جبکہ وہ تیاری کے لیے مذکورہ بیوٹی پارلر گئی تھی جو کہ ان کے جاننے والوں کا ہی تھا۔
تھانہ صدر بیرونی کے پولیس ذرائع نے بتایا کہ دلہن پر ممکنہ طور پر اس کے کزن نے حملہ کیا، کیونکہ اس کو رشتے کے لیے لڑکی کے گھر والوں کی جانب سے انکار کیا جا چکا تھا۔
About MH Kazmi
Journalism is not something we are earning, it is the treasure that we have to save for our generations. Strong believer of constructive role of Journalism in future world. for comments and News yesurdu@gmail.com 03128594276
