Rahim Yar Khan road accident kills 27, injures 66 others

رحیم یار خان میں خان پور روڈ پر سہجہ کے قریب ٹریفک حادثے میں 27 افراد جاں بحق ہو گئے جب کہ 66 سے زائد مسافر زخمی ہیں ۔

پولیس کا کہنا ہے کہ کراچی سے بہاولپور اور فیصل آبادسےصادق آباد جانے والی بسیں آپس میں ٹکرائیں۔ بسوں کی باڈی کاٹ کر لاشیں نکالی جارہی ہیں۔ حادثہ تیز رفتاری کی وجہ سے پیش آیا۔ زخمیوں کو اسپتال منتقل کردیا گیا ہے۔

دوسری طرف وزیر اعلیٰ پنجاب محمد شہباز شریف نے خانپور کے قریب ٹریفک حادثے میں قیمتی جانوں کے ضیاع پر گہرے دکھ اور افسوس کا اظہار کیا ہے، انہوں نے جاں بحق کے لواحقین سے ہمدردی اور اظہار تعزیت کی۔

وزیر اعلیٰ نے حادثے کے بارے انتظامیہ سے رپورٹ طلب کر لی ہے،ا نہوں ہدایت کی ہے کہ افسوسناک حادثے میں زخمی ہونے والے افراد کو علاج و معالجہ کی بہترین طبی سہولتیں فراہم کی جائیں۔