بارسلونا( نمایندہ خصوصی ) کوئٹہ پولیس ٹریننگ سینٹر میں دہشت گردوں کے بزدلانہ حملے کی بھر پور مذمت کرتے ہیں اور دہشت گردوں کے آخری فرد کو جہنم واصل کرنے کے لئے پاک آرمی کے ساتھ ہیں_ان خیالات کا اظہار سپین کی معروف سماجی اور ادب دوست شخصیت چوہدری شاہد لطیف گجر نے کرتے ہوئے کہا کہ کویٹہ میں دہشت گردی کا واقعہ انتہائی افسوسناک ہے۔ شہدا کے ورثا کے ساتھ میں دلی طور پر تعزیت کرتا ہوں اور زخمی جوانوں کے لئے دعا گو ہوں کہ اللہ پاک ان کو جلد از جلد صحت یاب کرئے ۔۔آمین۔۔۔۔۔۔ پاکستان کی طرف میلی آنکھ سے دیکھنے والے یہ سن لیں کہ پاک-چین اقتصادی راہداری منصوبہ بھی مکمل ہو گا اور دہشت گردوں کے سرپرستوں کو کہیں چھپنے کے لئے جگہ نہیں ملے گی۔
