ممبرایگزیکٹو پیپلز پارٹی پنجاب کونسل قاری فاروق احمد گورسی کی مکہ مکرمہ میں عمرہ ادائیگی اوراطراف کی زیارات کے دوران صدر پیپلز پارٹی پنجاب چوہدری قمرالزمان کائرہ کے جوانسال بیٹے اسامہ کائرہ اور ان کے دوست حمزہ بٹ کیلئے خصوصی دعا

مکہ مکرمہ(خصوصی رپورٹ) ممبرایگزیکٹو پیپلز پارٹی پنجاب کونسل قاری فاروق احمد گورسی نے مکہ معظمہ میں عمرہ ادائیگی کے دوران اپنے والدین، اساتذہ کرام اور پیرومرشد کے ساتھ ساتھ اپنے لیڈروں اورپاکستان پیپلز پارٹی کے ساتھیوں کیلئے بھی خصوصی دعائیں کیں۔انہوں نے جہاں سب کے نام کے عمرے کیے وہیں انھوں نے خصوصی طور پراپنی شہید قائد محترمہ بے نظیر بھٹو شہید  کیلئے عمرہ ادا کیا اور ان کی بخشش کیلئے اوربھٹو خاندان کیلئے دعا کی۔ انہوں نے پاکستان پیپلز پارٹی قیادت کی فتح ونصرت وکامیابی کیلئے دعا کی ۔ انہوں نے صدر پیپلز پارٹی پنجاب چوہدری قمرالزماں کائرہ  کے جوانسال بیٹے اسامہ قمر اورانکے دوست حمزہ بٹ کے درجات کی بلندی کیلئے بھی دعا کی۔ انہوں نے اس موقع پرخصوصی طورپر سانحہ کارساز کیلئے دعا کی اور کہا کہ پاکستان پیپلز پارٹی کے شہیدوں کا لہو رنگ لائے گا اور 30نومبر کو یوم تاسیس جلسہ نئی جہدوجہد کا نقطہ آغاز ہوگا اور شہید بھٹو کی آمریت کیخلاف جمہوری جدوجہد کی یادیں تازہ کردیگا۔

انہوں نے کہا کہ یہ ان پر اللہ تعالیٰ اور ان کے حبیب حضرت محمد صلی اللہ علیہ وسلم کا خاص کرم ہے کہ ان کے در پر حاضری کا موقع ملا۔ انہوں نے کہا کہ پیپلز پارٹی وسطی پنجاب کے تمام دوستوں کے لیے فرداً فرداً دعا کی ہے۔خصوصاً میرے انتہائی قابل احترام دوست چوہدری قمرالزماں کائرہ اور انکے اہلخانہ کو اللہ کریم اپنی خاص رحمتیں عطا فرمائیں اور ہر دکھ سے محفوظ رکھیں۔  اللہ تعالیٰ سب کو اپنے گھر میں حاضری کا موقع عطا فرمائے۔