Qari, Farooq, Ahmed Farooqi, Chief Organizer, PPP, France

پیرس ؍اسلام آباد(خصوصی رپورٹ) مادر جمہوریت بیگم نصرت بھٹو کی پارٹی راہنما قاری فاروق آحمد فاروقی کے دفتر میں قرآن خوانی اور دعائیہ تقریب منعقد ہوئی۔ تقریب میں پاکستان پیپلزپارٹی کے راہنماؤں اورکارکنوں نے بھر پور شرکت کی۔ مادرجمہوریت کی روح کے ایصال ثواب کے لئے قرآن خوانی کی گئی اور ان کے بلند درجات کے لئے دعا کی گئی۔ تقریب میں پیپلزپارٹی کے سمیت پیپلزپارٹی کےدیگر لوگوں اور کارکنان نے بڑی تعداد میں شرکت کی۔ درایں اثناءمادرِ جمہوریت بیگم نصرت بھٹو کی برسی کی تقریب پارٹی کے لیے بے پناہ قربانیوں کو اچھے انداز میں یاد کیا گیا قرآن خوانی کے بعد مادرِ جمہوریت بیگم نصرت بھٹو کی روح کے ایصال ثواب کے لئے دعا کی گئی۔

  پاکستان پیپلز پارٹی یورپ کے آرگنائزر قاری فاروق احمد فاروقی نے مادر جمہوریت محترمہ بیگم نصرت بھٹو مرحومہ کی چھٹی برسی کے موقع پر انہیں خراج عقیدت پیش کرتے ہوئے ان کی قربانیوں اور جدوجہد پر سلام پیش کیاہے،انہوں نے کہا کہ پاکستان پیپلز پارٹی کے بانی قائد شہید ذوالفقار علی بھٹو کے عدالتی قتل کے بعد جس طرح انہوں نے پارٹی کومنظم طریقے سے سنبھالا اور ضیا آمریت کے خلاف پارٹی کی پر امن جمہوری جدوجہد کو آگے بڑھایا وہ تاریخ کا سنہرا باب ہے، انہوں نے کہا کہ بیگم نصرت بھٹو نےاپنے دو جوان بیٹوں میر مرتضیٰ بھٹو، میر شاہنواز بھٹو، خاوندذوالفقار علی بھٹو اور لاڈلی بیٹی بینظیر بھٹو کو اس قوم اور ملک کی خاطر قربان کر دیا اور اپنا پورا گھرانہ پاکستان کی عظمت کیلئے نچاور کر دیا،انہوں نے کہا کہ آج ان کی چھٹی برسی کے موقع پر  پیپلز پارٹی فرانس  کے تحت ان کے دفتر میں خصوصی دعائیہ تقریب کا انعقاد کیا جس میں  فرانس کے تمام راہنمائوں اور صحافی دوستوں کے ہمراہ مختلف سیاسی وسماجی  رہنما ئوں نے بھی اظہار خیال کیا ہے۔