PTI Islamabad Motorway Panjab sypsaur failed to stop
تحریک انصاف کے مشتعل کارکنوں نے پنجاب حکومت کی جانب سے پشاور اسلام آباد موٹر وے بند کرنے کی کوشش ناکام بنا دی۔ پنجاب پولیس کی کنٹینر اور کرین بھی قبضے میں لے لی گئی۔
پشاور اسلام آباد موٹر وے کو اٹک پل کے قریب پنجاب کی حدود میں بند کیا جا رہا تھا کہ تحریک انصاف کے کارکنوں نے وہاں پہنچ کر نہ صرف پنجاب پولیس سے ہاتھا پائی کرتے ہوئے انہیں بھگا دیا بلکہ کنٹینر اور کرین بھی قبضے میں لے لی اور صوابی انٹر چینج کے قریب قائم کیمپ لے گئے۔
تحریک انصاف نے کیمپ دو نومبر کو اسلام آباد مارچ کے سلسلے میں لگایا ہے جس کا اسپیکر صوبائی اسمبلی اسد قیصر، صوبائی وزراء اور اراکین اسمبلی کے علاوہ مختلف شہروں سے کارکنوں نے دورہ بھی کیا ہے۔
یاد رہے کہ اٹک پل ہی خیبر پختونخوا اور پنجاب کی سرحد ہے۔
Journalism is not something we are earning, it is the treasure that we have to save for our generations. Strong believer of constructive role of Journalism in future world. for comments and News yesurdu@gmail.com 03128594276
