PTI Logo
پیرس (یاسر قدیر) آج شام لا کورنیو پیرس میں تحریک انصاف فرانس اگزیکٹو کونسل کا ایک اہم اجلاس منعقد ھوا جس میں تحریک انصاف فرانس کی موجودہ صورتحال اور اٹلی کانفرنس سمیت دیگر امور پر تفصیلی تبادلہ خیال کیا گیا۔
اجلاس میں اگزیکٹو کونسل نے متفقہ طور پر تحریک انصاف فرانس ویمن ونگ کی سینئر ممبر ناصرہ خان کے استعفیٰ کو نا منظور کرتے ھوئے انھیں پارٹی کے لۓ اپنی خدمات جاری رکھنے کی ہدایات کے ساتھ ساتھ ان کے تحفظات کو جلد از جلد دور کرنے کی یقین دہانی کروائی۔
اجلاس میں نائب صدر اصغر برہان، طاہر اقبال، ابرار کیانی، چودھری منور جٹ، راجہ محمد عجب،امتیاز اکرم کدھر، ابوبکر گوندل، یاسر قدیر نے شرکت کی اجلاس میں یورپ بھر میں تحریک انصاف کے اتحاد و اتفاق کی ضرورت پر زور دیا گیا۔
تحریک انصاف اٹلی کی الیکٹڈ باڈی و دیگر فریقین سے پر زور مطالبہ کیا گیا کہ وہ آپس کے اختلافات کو پس پشت ڈالتے ھوئے پارٹی کے وسیح تر مفاد میں متحد ہو کر اٹلی کانفرنس کی میزبانی کریں تا کہ یورپ بھر میں تحریک انصاف کے حوالے سے ایک اچھا اور مثبت پیغام جا سکے۔
