Prime Minister’s farewell meeting with Gen Rashid Mehmood
وزیراعظم سے چیئرمین جوائنٹ چیفس آف اسٹاف کمیٹی جنرل راشد محمود نے الوداعی ملاقات کی ہے، وزیراعظم نواز شریف نے کہا ہے کہ آئندہ بھی جنرل راشد محمود کی بصیرت سے فائدہ اٹھاتے رہیں گے،انہوںنے جنرل راشد محمود کی پیشہ ورانہ خدمات کو سراہا۔
وزیراعظم نوازشریف نے چیئرمین جوائنٹ چیفس آف اسٹاف کمیٹی کے اعزاز میں الوداعی ظہرانے سے خطاب کرتے ہوئے کہا کہ جنرل راشد محمود نے بہت سے ٹاسک کامیابی سے حاصل کیے ، انہوں نے دوست ممالک کی عسکری قیادت سے قریبی روابط کے لیے اہم کردار ادا کیا۔
جنرل راشد محمود کی پیشہ وارانہ خدمات پر خراج تحسین پیش کرتے ہوئے وزیراعظم نے کہا کہ ہماری مسلح افواج نے جنرل راشد کی بصیرت سے فائدہ اٹھایا،ہمیں ان پر فخرہے۔
وزیراعظم کا کہنا تھا کہ بطور چیئرمین جوائنٹ چیفس آف اسٹاف کمیٹی جنرل راشد محمود نے قوم کی بہت خدمت کی ،ہمارے دل اور دروازے ہمیشہ ان کے لیے کھلے رہیں گے۔
Journalism is not something we are earning, it is the treasure that we have to save for our generations. Strong believer of constructive role of Journalism in future world. for comments and News yesurdu@gmail.com 03128594276
