اسلام آباد(ویب ڈیسک) وزیراعظم عمران خان نے اپوزیشن کے آزادی مارچ پر قوم کو اعتماد میں لینے کا فیصلہ کیا ہے وزیراعظم نے کور کمیٹی کا اجلاس آج بنی گالہ میں طلب کرلیا ہے۔ نجی ٹی وی جی این این نے کہا ہے کہ وزیراعظم عمران خان کا اپوزیشن کے آزادی مارچ پر قوم کو اعتماد میں لینے کا امکان ہے وزیراعظم نے کورکمیٹی کا اجلاس آج بنی گالہ میں طلب کرلیا ہے۔

نجی ٹی وی کے مطابق کور کمیٹی اجلاس میں قوم سے خطاب سے متعلق تجاویز بھی لی جائیں گی ،اجلاس میں اپوزیشن سے مذاکرات سے متعلق بھی غور کیا جائے گا۔ یاد رہے کہ وزیراعظم عمران خان کا قوم کواعتماد میں لینے کیلئے قوم سے خطاب کرنے کا امکان ہے، وزیراعظم عمران خان پی ٹی آئی کی کورکمیٹی سمیت عوام کو بھی اعتماد میں لیں گے، کورکمیٹی اجلاس میں آزادی مارچ اور اپوزیشن کے مطالبات پر مشاورت کی جائے گی۔ دوسری جانب وزیردفاع پرویز خٹک نے کہا کہ مولانا فضل الرحمان اپنے مطالبے پر قائم رہیں گے یا تین دن کے بعد چلے جائیں گے ،اس حوالے سے مولانا فضل الرحمان کے دل کی بات اللہ ہی جانتا ہے۔ حکومت نے مولانا فضل الرحمان کو ویلکم کیا،راستے کھولے، امید ہے یہ یہاں ہی بیٹھے رہیں گے۔ پرویز خٹک نے کہا کہ مطالبہ کرنا ان کا حق ہے ، ان کا مطالبہ جائز ہے یا ناجائز ہے۔لیکن ہر مطالبہ آئین کے اندر رہ کرہوسکتا ہے۔ یہ نہیں ہوسکتا کہ آئین سے ماورا کوئی مطالبہ کیا جائے اور وزیراعظم سے استعفا مانگا جائے۔اگر وہ غیرآئینی راستہ اختیار کریں گے تو اس میں کوئی شک نہیں کہ وہ افراتفریخ پھیلانا چاہتے ہیں۔ مولانا نے معاہدے سے انحراف کیا تو عدالتی حکم کی خلاف ورزی ہوگی۔کیونکہ ان کا ہم سے معاہدہ ہوا ہے کہ یہ آگے نہیں جائیں گے۔ہم سے ملاقات میں کسی نے استعفیٰ نہیں مانگا۔ اسی طرح سابق وزیر خزانہ اسد عمر نے کہا کہ مولانا نے دو دن کی مہلت اپنے لیے لی ہے، آئندہ 48 گھنٹے میں یہ لوگ مشاورت کریں گے، یہ مولانا کوبھی پتا ہے کہ ان کو استعفا نہیں ملنے والا۔