counter easy hit

وزیر اعظم عمران خان کا ابرار الحق کو مشیر برائے ثقافت بنانے کا فیصلہ،

لاہور(مانیٹرنگ ڈیسک) وزیر اعظم عمران خان کا شاندار فیصلہ، تحریک انصاف کے لیے سالوں سے خدمات سر انجام دینے والے ابرار الحق کو بڑے عہدے سے نوازنے کا فیصلہ کر لیا ۔تفصیلات کے مطابق ذرئع نے دعویٰ کیا ہے کہ وزیر اعظم عمران خان آئندہ چند روز میں معروف گلوکار اور نامور رہنماء ابرار الحق کو شاندار عہدے سے نواز دیں گے، یہ عہدہ کوئی اور نہیں بلکہ مشیر برائے ثقافت کا ہوگا۔ اس حوالے سے آئندہ چند روز میں ابرار الحق وزیر اعظم عمراان خان سے وزیر اعظم ہاؤس اسلام آباد میں ملاقات کریں گے۔ اس ملاقات کے بعد وزیر اعظم باضابطہ طور پر ابرار الحق کو اس عہدے کی خوشخبری سنائیں گے۔
خیال رہے کہ معروف گلو کارہ ابرار الحق گزشتہ کئی سالوں سے تحریک انصاف کے ساتھ منسلک ہیں اور انہوں نے پارٹی کے لیے کئی ایسے نغمے بنائیں ہیں جن سے تحریک انصاف دھرنوں کے دوران شرکاء کا لہو گرماتی رہی ہے۔ ابرار الحق کو تحریک انصاف کی جانب سے عام انتخابات 2018 میں ن لیگ کے رہنماء احسن اقبال کے مد مقابل کھڑا کیا گیا تاہم وہ احسن اقبال کو شکست دینے میں ناکام رہے ، پھر پھر وزیر اعظم عمران خان نے انکی پارٹی کے لیے خدمات کو دیکھتے ہوئے مشیر برائے ثقافت کا عہدہ دینے کا فیصلہ کیا ہے ، یہاں پر یہ امر بھی قابل ذکر ہے کہ ابرار الحق گزشتہ کئی سالوں سے یوتھ کو پاکستانی سیاست کا حصہ بنانے کے لیے ہمیشہ آگے دکھائی دیئے اور یوتھ ان سے بھر پور محبت کرتی ہے ۔