حافظ آباد اور بھکر میں پولیس نے کارروائی کرتے ہوئے 14 ملزمان کو گرفتار، جبکہ 25 مشتبہ افراد کو حراست میں لے لیا ہے۔
حافظ آباد کے علاقے صدر میں پولیس نے جرائم پیشہ افراد کے خلاف ٹارگٹڈ آپریشن کرتے ہوئے 14 ملزمان کو گرفتار کرلیا، گرفتار ملزمان میں اشتہاری، منشیات فروش، ناجائز اسلحہ رکھنے والے اور دیگر جرائم میں ملوث ملزمان شامل ہیں۔ ملزمان کے قبضہ سے بڑی تعداد میں غیر قانونی اسلحہ اور شراب بھی برآمد کی گئی ہے۔ ملزمان کے خلاف مختلف دفعات کے تحت مقدمات درج کر کے تفتیش کی جا رہی ہے۔
دوسری جانب بھکر کے علاقے سرائے مہاجر اور کلورکوٹ میں پولیس نے سرچ آپریشن کرتے ہوئے 25 مشتبہ افراد حراست میں لے لیا۔ سرچ آپریشن کے دوران 70گھروں کی تلاشی لی گئی جبکہ 103 افراد کی بائیو میٹرک تصدیق بھی کی گئی ہے۔
