Pia did not leave even Shirin Rehman

قومی ایئر لائن کا باکمال عملہ عوام کو تو اکثر لاجواب سروس دیتا ہی ہے لیکن انہوں نے پیپلز پارٹی کی رہنما شیری رحمان کو بھی نہ چھوڑا جنہیں جانا تو سکھر تھا لیکن انہیں ملتان جانے والی پرواز میں بٹھادیا گیا۔

پیپلز پارٹی کی تمام اعلیٰ قیادت بے نظیر بھٹو کی برسی کے موقع پر گڑھی خدا بخش میں موجود ہے جہاں جلسہ عام منعقد ہورہا ہے اور اس کے بعد پارٹی کی مرکزی مجلس عاملہ کا بھی اجلاس ہوناتھا۔پیپلز پارٹی کی رہنما شیری رحمان کو بھی کراچی سے سکھر کے لیے روانہ ہونا تھا لیکن پی آئی اے کے عملے نے انہیں ملتان جانے والے طیارے میں بٹھا دیا۔ذرائع کے مطابق پی آئی اے کے عملے نے شیری رحمان کوغلط پرواز میں بٹھا دیا تاہم بعد میں صحیح طیارے میں سوار کرایا گیا۔ادھر ترجمان پی آئی اے کا کہنا ہے کہ پروٹوکول دینے والے کسی فرد کی غلطی کے باعث ایسا ہوا ہے اور شیری رحمان کوغلط طیارےمیں بٹھانے کی تحقیقات جاری ہے۔