پشاور میں دو مختلف واقعات میں 2 افراد جاں بحق اور 2 زخمی ہوگئے۔ مکان کی چھت گرنے سے 1 بچی اور ایک خاتون جاں بحق ہوئی جبکہ گودام میں آگ لگنے کے باعث ایک فائر فائٹر زخمی ہوا۔

Peshawar: 2 people killed and two injured in different incidents

پشاور کے علاقے ڈبگری کے محلہ نوح میں مکان کی چھت گرنے سے 2 بچیاں اور ایک خاتون ملبے تلے دب گئی۔ ریسکیو اداروں نے بروقت کارروائی کرتے ہوئے زخمیوں کو ملبے سے نکالا جس میں خاتون اور بچی اسپتال میں دم توڑ گئے جب کہ ایک بچی تشویشناک حالت میں لیڈی ریڈنگ میں موجود ہے۔جاں بحق ہونے والے آپس میں ماں بیٹی ہے جو کہ اس کرائے کے مکان میں رہائش پذیر تھی۔ ایک اور واقعے میں شارٹ سرکٹ کے باعث لگنے والی آگ سے گودام میں پڑا لاکھوں روپے کے ربڑ اور گتا جل کر خاکستر ہوگیا ہے، آگ پر قابو پانے کے لئے آنے والا فائیر فائیٹر آگ بجھاتے ہوئے زخمی ہوا۔ آگ پر تقریبادیڑھ گھنٹے بعد قابو پایا گیا۔ آگ بجھانے میں 15 فائیر فائٹرز اور 3 آگ بجھانے والی گاڑیوں نے حصہ لیا۔ پشاور کے محلہ جنگی میں اس سے قبل بھی کئی بار آگ لگنے کے واقعات سامنے آئے ہیں۔