ویانا (اکرم باجوہ) پی سی سی 20 واں یوم آزادی کرکٹ میلہ ویانا کے چیف آرگنائزر الحاج محمد اکرم باجوہ نے ایک پریس ریلیز جاری کرتے ہوئے کہا کہ پاکستان کرکٹ کلب آسٹریا کے زیراہتمام پی سی سی 20 واں یوم آزادی کرکٹ میلہ ویانا 16 اگست بروز اتوار سی بارن کرکٹ گراونڈ میں منعقد ہو گا۔
اسی سلسلہ میں پاکستان کرکٹ کلب آسٹریا کے تین رکنی وفد پی سی سی صدر ندیم خان، جنرل سیکرٹری خواجہ منظور احمد اور بانی کلب حاجی فاروق چوہدری نے 15 جولائی کوسفارت خانہ پاکستان ویانا میں سفیر پاکستان محترمہ عائشہ ریاض سے ایک ملاقات کی۔
پی سی سی 20 واں یوم آزادی کرکٹ میلہ ویانا میں بطور سپیشل مہمان شرکت کی دعوت دی۔ سفیر پاکستان محترمہ عائشہ ریاض نے پی سی سی کے وفدکی دعوت قبول کرتے ہوئے کہا کہ میں اپنے تمام سٹاف کے ساتھ پروگرام میں شرکت کروں گی۔
پاکستان کرکٹ کلب آسٹریا کے تین رکنی وفد نے سفیر پاکستان محترمہ عائشہ ریاض کا دعوت قبول کرنے کا شکریہ ادا کیا۔
