ٹی ٹونٹی ورلڈ کپ کرکٹ ٹورنامنٹ میں پاکستانی ٹیم کو سکیورٹی فراہم کرنا بھارتی حکومت کی ذمہ داری ہے :ہفتہ وار بریفنگ
اسلام آباد (یس اُردو) پاکستان نے ٹی ٹونٹی کرکٹ ورلڈ کپ میں پاکستانی کرکٹ ٹیم کو سیکورٹی فراہم کرنا بھارت کی ذمہ داری قرار دے دیا ۔ ترجمان دفتر خارجہ کہتے ہیں پٹھان کوٹ واقعے کی تحقیقات کے لیے تحقیقاتی ٹیم جلد بھارت جائے گی ۔ پٹھان کوٹ حملہ تحقیقاتی ٹیم کے دورہ بھارت کی تیاریاں جاری ، ورلڈ کپ میں پاکستانی ٹیم کی سکیورٹی بھارت کی ذمہ داری ، ایٹمی ہتھیا ر محفوظ پاکستان کی ضمانت قرار ۔ ہفتہ وار بریفنگ میں بھارتی وزیر دفاع کے الزامات پر ترجمان دفترخارجہ نے کہا کہ بھارت کی فراہم کردہ معلومات کی روشنی میں تحقیقات جاری ہیں ۔ ترجمان نے بتایا کہ ممبئی حملوں کی تحقیقات کے لیے بھی پاکستان نے بھارت سے مزید معلومات مانگی ہیں ۔ ٹی ٹونٹی ورلڈ کپ میں پاکستانی ٹیم کو سکیورٹی دینا بھارت کی ذمہ داری ہے
