Chaudhry Kamran Ghuman

پیرس: پیپلز پارٹی یورب کے کو آڈینیٹر اور فرانس کی معروف سماجی اور کاروباری شخصیت چوہدری کامران گھمن نے کہا ہے کہ مسلم لیگ (ن) عوام سے کیا ہوا ایک وعدہ بھی پورا نہیں کرسکی جو میاں برادران کی ناکامی کا منہ بولتا ثبوت ہے۔

انہوں نے کہا کہ عوام دوستی نعرہ لگانیوالے حکمرانوں کا ایک بار پھر پٹرولیم مصنوعات کی قیمتوں میں اضافے سے انکا اصل چہرہ بے نقاب ہوچکا ہے جسکی جتنی مذمت کی جائے وہ کم ہے۔ انہوں نے کہا کہ پنجاب میں پولیس اور ضلعی انتظامیہ اپنی نگرانی میں بلدیاتی انتخابات کے پہلے مرحلہ میں اشفاف انتخابات کروانے میں ناکام رہی ہے ، حکومتی امیدواروں کو جتوانے کے لئے انتظامیہ اور مشینری کا بھر پور استمال جاری ہے ۔ انہوں نے کہا کہ پٹرولیم مصنوعات کی قیمتوں میں مزید اضافہ مہنگائی اور بے روزگاری سے نجات صرف پیپلز پارٹی ہی دلا سکتی ہے۔