اسلام آباد(ایس ایم حسنین) افغانستان کیلئے امریکہ کے نمائندہ خصوصی زلمے خلیل زاد نے افغان طالبان اور حکومت دونوں کی طرف سے جنگ بندی کے اعلان کا خیرمقدم کرتے ہوئے اسے خوش آئند قرار دیا ہے۔ انھوں نے امریکی جنرل ملر، سفیر ولسن اوراپنی طرف سے عیدالاضحیٰ پردونوں فریقین کی طرف سے امن کے اعلان پر اطمینان کا اظہار کیا ہے اور اسے اچھے دنوں کی نوید قرار دیا ہے۔ دریں اثنا افغانستان کیلئے پاکستان کے نمائندہ خصوصی محمد صادق نے بھی جنگ بندی کے فیصلے کا خیرمقدم کیا ہے۔ افغانستان کیلئے امریکہ کے نمائندہ خصوصی زلمے خلیل زاد اور پاکستان کے نمائندہ خصوصی محمد صادق نے اپنے الگ الگ ٹوئٹر پیغام میں افغان عوام کو عید کی دلی مبارکباد بھی پیش کی ہے۔ افغانستان کیلئے پاکستان کے خصوصی نمائندے محمد صادق نے سوشل میڈیا پرجاری اپنے پیغام میں کہا ہے کہ افغان طالبان اور حکومت کا جنگ بندی کا فیصلہ خوش آئند ہے۔ انھوں نے اپنے پیغام میں پشتو اوراردودونوں زبانوں میں جنگ بندی پرمسرت کا اظہار کرتے ہوئے عید مبارک کا پیغام لکھا

@AmbassadorSadiq
·
1h
Pakistan welcomes both the ceasefire announced by the Taliban for Eid ul Azha and the ceasefire announced by Afghanistan government in response.
اختر مو مبارک شه!
عید مبارک!