counter easy hit

پاکستان کی قدر کرو، پاکستان عوامی تحریک ڈنمارک کا قائداعظم ڈے کا پروگرام

Denmark PAT Conference

Denmark PAT Conference

ڈنمارک (محمد منیر طاہر) پاکستان عوامی تحریک ڈنمارک کے زیر اہتمام قائداعظم ڈے کے پروگرام میںڈنمارک کی سیاسی تنظیمات ، سماجی تنظیمات اورسول سوسائٹی کے اہم افراد نے شرکت کی۔ پاکستان تحریک انصاف ڈنمارک کے سیکرٹری جنرل بلال امین نے تقریر کرتے ہوئے کہا کہ ہمیں پاکستان کی خاطر ایک ہونا ہے۔

تنظیم اسلامی ڈنمارک کے صدر جناب امتیاز احمد سویہ نے قرآنی آیات سے مزین اپنے خوبصورت خطاب میں اتحاد اوریک جہتی کا درس دیا۔پاکستان عوامی تحریک ڈنمارک کے صدر جناب غلام محی الدین نے اپنے افتتاحی خطاب میںمعزز مہمانوں کو خوش آمدید کہا اور آئین پاکستان کے حوالے سے پرمغز گفتگو کی۔

پاکستان تحریک انصاف ڈنمارک کے سینئیر رہنما اور کوارڈینیٹرمیاں منیر صاحب نے پاکستان کے مسقبل کے حوالے سے حوصلہ افزاء گفتگو کی اور نوجوانوں سے کہا کہ پاکستان کی خاطراپنی جدوجہد جاری رکھیں پاکستان کا مستقبل روشن ہے۔ بعدازاں پاکستان عوامی تحریک ڈنمارک کے سینئر رہنما چوہدری امانت علی نے تاریخ کے جھروکوں سے قائداعظم کے واقعات پیش کرتے ہوئے نہات سبق آموز گفتگو کی۔

آخری مقرر پاکستان عوامی تحریک ڈنمارک کے جوائنٹ سیکرٹری جناب فیض الرسول صاحب تھے جنہوں اپنے دلائل سے یہ ثابت کیا جیسے ہمارے نبی کریم ۖ کی پہچان صداقت اور امانت تھی بعینہ قائداعظم رحمتہ اللہ کو اللہ پاک نے سچا لیڈر بنایا تھا۔ بزرگ مہمان صاحبزادہ محبوب الہی نے قائداعظم کی یادوں کی خوبصورت جھلکیاں پیش کیں اور انکی دعا پر اس خوبصورت تقریب کا احتتام ہوا۔