پیرس، پیپلز پارٹی فرانس یوتھ ونگ کے نوجوان راہنما چوہدری رضی الحسن کے زیراہتمام محترمہ بے نظیر بھٹو شہید کا 12واں یوم شہادت عقیدت واہترام سے منایا گیا، پارٹی کے تمام ونگز کی شرکت

پیرس(مانیٹرنگ رپورٹ ) پاکستان پیپلز پارٹی فرانس کے راہنمائوں نے پیپلز یوتھ ونگ فرانس کے نوجوان متحرک راہنما چوہدری رضی الحسن کی دعوت پر پیرس کے معروف پاکستانی ریسٹورنٹ بھٹی مرچ مصالحہ میں محترمہ شہید کا بارہواں یوم شہادت مل کر منایا۔اس موقع پر تمام راہنمائوں نے تعزیتی ریفرنس سے خطاب کیا اور محترمہ شہید کے مشن کو زندہ رکھنے کے جذبات کا اظہار کیا۔ اس موقع پر پرجوش متحرک سینئر راہنمائوں کے علاوہ پیپلز پارٹی ویمن ونگ کی صدر محترمہ روحی بانو کے ہمراہ خواتین راہنمائوں نے بھی شرکت کی۔

اس موقع پربڑی تعداد میں مرکزی راہنمائوں، کارکنان جیالے،صحافی راہنمائوں اور سیاسی ، سماجی مذہبی الغرض ہر مکتبہ فکر کی بھاری اکثریت نے شرکت کی۔

تفصیلات کے مطابق پیرس کےنواحمیں واقع بھٹی مرچ مصالحہ ریسٹورنٹ میں شہید رانی محترمہ بے نظیر بھٹو اورشہید ذوالفقار علی بھٹو، مرکزی راہنمائوں اور شہید کارکنوں خصوصاً شہدائے کارساز، شہدائے لیاقت باغ کے ایصال ثواب کے لیئے سورت یاسین پڑھائی گئی اور ان کی مغفرت اور بلند درجات کے لیئے دعا کی گئی۔
پاکستان پیپلزپارٹی فرانس کے سینئر نائب صدر جناب سید کفایت حسین نقوی نے تعزیتی ریفرنس سے خطاب کرتے ہوئے کہا ہےشہید محترمہ بے نظیر بھٹو نہ صرف جنوی ایشیا بلکہ دنیائے اسلام کی عظیم ترین راہنما تھیں جنہوں نے جمہوریت، خواتین کے حقوق، آئین وقانون کے تحفظ، پارلیمان کے احترام وغیرہ کے راہنما اصول وضع اور رائج کروانے میں اہم کردار ادا کیا۔ آج بھی پاکستان کے پسے ہوئےطبقات محترمہ شہید کی لیڈرشپ کو یاد کرتے ہوئے پاکستان پیپلز پارٹی کو سپورٹ کر رہے ہیں۔ محترمہ شہید عظیم راہنما تھیں ان کی شخصیت پاکستان اوردنیا بھر میں جمہوریت کے متوالوں کیلئے مشعل راہ رہیگی۔

اس موقع پر نظامت کے فرائض پاکستان پیپلزپارٹی فرانس کے جنرل سیکرٹری جناب پرویز صدیقی صاحب نے انجام دیئے پروگرام کا باقاعدہ آغاز تلاوت قرآن پاک سے کیا گیا جس کی سعادت مرزا فیصل صاحب کی-ادارہ منہاج القران فرانس کی سینئر رہنما اور صف اول کے نعت خواں محترمہ ستارہ ملک اور حافظ محمد معظم نے ہادی بر حق محمد مصطفی صلی اللہ علیہ وسلم کے حضور اپنی خوبصورت اور پرسوز آواز میں عقیدت کے پھول پیش کیئے اور حاضرین سے داد تحسین حاصل کی
پاکستان پیپلزپارٹی یوتھ ونگ فرانس کے صدر جناب راو عارف ندیم، جناب نواز تارڈ امید وار صوبائی اسمبلی پی پی پی 4 پھالیہ جناب چوہدری رضی الالحسن رزاق ڈھل ، نائب صدر مرزا عتیق پاکستان پیپلزپارٹی ویمن ونگ فرانس کی صدر روحی بانو اور پاکستان پیپلزپارٹی فرانس کے سینئر نائب صدر جناب سید کفایت حسین نقوی نے زبردست پیرائے میں محترمہ بے نظیر بھٹو کی خدمات کو سراہا اور ان کے مشن کو عملی جامہ پہنانے کا اعادہ کیا – پاکستان کی سالمیت و خوشحالی کے لیئے خاص دعا کی گئی