اسلام آباد(یس اردو نیوز) پاکستان ڈیمو کریٹک موومنٹ جوکہ وزیراعظم کے اعتماد کے ووٹ لینے سے پہلے ہی اسے خود ستانی قرار دیکر اپنے پلان بی کی طرف گامزن ہے۔ تفصیلات کے مطابق وزیراعلیٰ عثمان بزدار جوکہ اپنی کرسی بچانے کیلئے اسلام آباد میں ہیں اور ممبران قومی اسمبلی سمیت اہم شخصیات کے ساتھ ملاقاتیں کر رہے ہیں۔ اس دوران پاکستان پیپلز پارٹی کے چیئرمین بلاول زرداری نے لاہور کا رخ کر لیا ہے۔ بلاول زرداری آج رات لاہور پہنچیں گے، بلاول زرداری لاہور میں پنجاب اسمبلی میں قائد حزب اختلاف حمزہ شہباز سے ملاقات کریں گے بلاول بھٹواورحمزہ شہبازچیئرمین سینیٹ کے انتخاب سے متعلق گفتگو کریں گے،دونوں رہنما پنجاب میں ان ہاؤس تبدیلی اورلانگ مارچ سمیت دیگرمعاملات پر بھی گفتگوکریں گے حمزہ شہباز کی جانب سے چیئرمین پیپلزپارٹی بلاول بھٹو کو ظہرانہ دیا جائیگا، ملاقات کے بعد بلاول بھٹو اور حمزہ شہباز ماڈل ٹاوَن میں مشترکہ پریس کانفرنس بھی کریں گے، بلاول زرداری نے دو روز قبل پریس کانفرنس میں بزدار کے خلاف تحریک عدم اعتماد لانے کا عندیہ تھا اس ضمن میں بھی بلاول اور حمزہ مشاورت کریں گے، آج بھی بلاول نے سندھ ہاؤس میں پی ڈی ایم کے اجلاس میں اس بات کا ذکر کرتے ہوئے کہا ہے کہ دیکھتے ہیں کب تک آپکا وزیراعلیٰ اور سپیکر رہتے ہیں۔ بلاول زرداری کے دورہ لاہور کو انتہائی اہم سمجھا جا رہا ہے، بلاول کی لاہو رمیں پارٹی رہنماؤں و دیگر شخصیات سے بھی ملاقاتیں ہوں گی
واضح رہے کہ ایک سکرپٹڈ پلان کی طرح ایوان اقتدار میں تبدیلیاں متوقع ہیں۔ اسٹیبلشمنٹ کے غیر جانبدارانہ طرز عمل کے نتیجے میں اسلام آباد میں سینیٹ الیکشن میں اپ سیٹ کے بعد جیسا کہ پیپلز پارٹی کے چیئرمین بلاول بھٹو زرداری نے اشارہ دیا تھا کہ وہ تخت لاہور کو ہلا کر دم لیں گے۔ اس سلسلے میں قومی اسمبلی میں اعتماد کے ووٹ کے بعد پنجاب اسمبلی میں اہم جماعت مسلم لیگ ق اور مسلم لیگ ن کے درمیان اقتدار کی شراکت داری کی چہ میگوئیاں گردش میں ہیں۔ جس میں سپیکر پنجاب اسمبلی چوہدری پرویز الہی بطور وزیراعلیٰ پنجاب اور اپوزیشن لیڈر حمزہ شہباز شریف سپیکر کا عہدہ سنبھال سکتے ہیں۔

PAKISTAN, DEMOCRATIC, MOVEMENT, ANNOUNCED, ITS, PLAN-B, TO, REMOVE, CM PUNJAB, USMAN BUZDAR