اسلام آباد…….وفاقی وزیرداخلہ چوہدری نثار اور چیئرمین پی سی بی شہریار خان نے اتفاق کیا ہے کہ فول پروف سیکیورٹی کے بغیر پاکستانی کرکٹ ٹیم کو ٹی ٹوئنٹی ورلڈ کپ کھیلنے بھارت نہیں بھیجا جا سکتا۔
وفاقی وزیرداخلہ چوہدری نثار نے چیئرمین پی سی بی شہر یار خان کو ٹیلی فون کیا اور ٹی ٹوئنٹی کرکٹ ورلڈ کپ کے حوالے سے پاکستانی ٹیم کے متوقع دورہ بھارت پر مشاورت کی۔وزارت داخلہ کے مطابق اس بات پر اتفاق کیا گیا ہے کہ جب تک پاکستانی ٹیم کو مکمل اور اطمینان بخش سیکیورٹی فراہم نہیں کی جاتی تب تک پاکستانی ٹیم کو دورہ بھارت کی اجازت نہیں دی جا سکتی۔اس حوالے سے وفاقی وزیر داخلہ وزیرِ اعظم کو آج کو رپورٹ پیش کریں گے
