Drone Strike

شمالی وزیرستان (یس ڈیسک) تحصیل شوال میں امریکی ڈرون حملے کے نتیجے میں 6 افراد ہلاک اور 2 زخمی ہو گئے۔

امریکی ڈرون طیارے نے شمالی وزیرستان کی تحصیل شوال میں ایک گھر پر 2 میزائل داغے جس کے نتیجے میں 6 افراد ہلاک اور 2 زخمی ہوگئے۔ مقامی افراد نے اپنی مدد آپ کے تحت ہلاک اور زخمی ہونے والوں کو قریبی ہسپتال منتقل کردیا جب کہ علاقے میں ڈرون طیارے کی پرواز اب بھی جاری ہے جس کے باعث لوگوں میں خوف و ہراس پایا جاتا ہے۔

واضح رہے کہ رواں سال شمالی وزیرستان میں امریکی جاسوس طیاروں کا یہ چوتھا حملہ ہے جس میں ہلاکتیں رپورٹ ہوئی ہیں۔