شمالی نائیجیریا میں یونیورسٹی کی مسجد پر خودکش حملے کے نتیجے میں4 افراد جاں بحق ہوگئے ہیں۔ حکام کے مطابق ایک خودکش حملہ آور نے میدوگوری یونیورسٹی کے کیمپس کی میں واقع مسجد میں نماز فجر کے وقت خود کو دھماکے سے اڑا دیا تھا۔
ایک مقامی رہائشی نے اے ایف پی کو بتایا کہ خودکش حملہ آور ایک نو عمر لڑکی تھی ۔تاحال کسی نے دھماکے کی ذمہ داری قبول نہیں کی ہے۔ریاست بورنو میں پولیس کے ترجمان نے بتایا کہ دھماکے سے کچھ دیر قبل ایک 12سالہ خودکش حملہ آور لڑکی نے یونیورسٹی میں ڈاخل ہونے کی کوشش کی تھی۔ جسے پولیس اہلکاروں نے فائرنگ کرکے ہلاک کردیا۔ اس کے فوراً بعد یونیورسٹی کی مسجد میں دھماکا ہوگا۔انہوں نے بتایا کہ دوسرے دھماکے میں 4افراد جاں بحق اور 15زخمی ہوئے۔ یونیورسٹی انتظامیہ نے پیر کے روز ہونے والے امتحانات ملتوی کردیے، تاہم ان کا کہنا ہے کہ منگل سے ہونے والے امتحانات شیڈول کے مطابق ہوں گے۔ انہوں نے طلبہ سے پر امن اور چوکنا رہنے کی اپیل کی ہے۔
