راولپنڈی( خصوصی رپورٹ/اصغر علی مبارک سے )لاہورہائی کورٹ بار ایسوسی ایشن راولپنڈی کے انتخابات میں کامیابی حاصل کرنے والے عہدیداروں نے نومنتخب صدر لاہور کورٹ بار ایسوسی ایشن راولپنڈی سردار عبدالرازق خان کی قیادت میں چیف جسٹس لاہور ہائی کورٹ مسٹر جسٹس محمد قاسم خان سے ملاقات کی اور باہمی دلچسپی کے امور پر تبادلہ خیال کیا ۔ چیف جسٹس لاہور ہائی کورٹ مسٹر جسٹس محمد قاسم خان کو نومنتخب قیادت نے پھولوں کا گلدستہ پیش کیا جناب چیف جسٹس لاہور ہائی کورٹ نے نومنتخب عہدیداروں کو مبارک باد پیش کی۔ ملاقات میں نومنتخب صدر لاہور ہائی کورٹ بار ایسوسی ایشن راولپنڈی سردار عبدالرازق خان ۔سینئر نائب صدر شاہدہ تنویر چوہدری ۔نائب صدر طارق محمود خان۔سیکرٹری جنرل شاہد علی شہزاد بھٹی جائنٹ سیکرٹری راجہ ارشد رضوان جنجوعہ ،فنانس سیکرٹری راجہ عبدالقیوم،لائبریری سیکریٹری محمد ریافت،آڈیٹر ہارون اصغر ایڈیشنل سیکرٹری جنرل روحما قریشی ،ممبران ایگزیکٹو کمیٹی مس طاہرہ بانو مبارک، چوہدری محمد بلال،چوہدری کاشف اسلام،محمد سجادانور راجہ،جمیل اصغر بٹ شامل تھے چیف جسٹس لاہور ہائی کورٹ نے کہا کہ وکلاء برادری کی فلاح و بہبود کے لیے نومنتخب قیادت سے مل کر اقدامات کئے جائیں گے ۔

چیف جسٹس مسٹر جسٹس محمد قاسم خان سے لاہور ہائی کورٹ بار راولپنڈی کی نومنتخب باڈی کی ملاقات