Mohammad Amir returns after 5 years

لاہور………دورہ نیوزی لینڈ کے لیے قومی کرکٹ ٹیم کے ٹی 20 اور ون ڈے اسکواڈ کا اعلان کردیا گیا ہے، محمد عامر کی پانچ سال بعد ٹیم میں واپسی ہوئی ہے تاہم ان کی نیوزی لینڈ روانگی ویزا سے مشروط ہوگی۔چیف سلیکٹر ہارون رشید نے لاہور میں پریس کانفرنس کے دوران اسکواڈ کا اعلان کرتے ہوئے کہا کہ محمد عامر کا کیس نیوزی لینڈ کے سفارتخانے کو بھجوادیاہے،نئے سال کی چھٹیوں کے بعد ویزے کا پراسیس شروع کیا جائےگا۔15 سے 22 جنوری تک کھیلی جانے والی ٹی 20سیریز کیلئے اسکواڈ میں شاہد آفریدی، احمد شہزاد، محمد حفیظ، صہیب مقصود، شعیب ملک، افتخار احمد، عمر اکمل، عماد وسیم، انور علی، عمر یامین، سرفراز احمد، وہاب ریاض،عمر گل، محمد رضوان، سعد نسیم اور محمد عامرشامل ہیں۔ 25 سے 31 جنوری تک کھیلی جانے والی ون ڈے سیریز کے لئے اسکواڈ میں کپتان اظہر علی، احمد شہزاد، محمد حفیظ، شعیب ملک، اسد شفیق، بابر اعظم، صہیب مقصود، ظفر گوہر، عماد وسیم، انورعلی، سرفراز احمد، وہاب ریاض، راحت علی محمد عرفان، محمد رضوان اور محمد عامر شامل ہیں۔یف سلیکٹر کا کہنا تھا کہ اس دوران فاسٹ بولرعمر گل کی کارکردگی کو مانیٹر کریں گے۔