نیو یارک: نیو یارک کے آرٹسٹوں نے 80 ہزار ڈبوں کا استعمال کیا، نمائش سے حاصل ہونے والی رقم غریب خاندانوں پر خرچ کی جائے گی
کیا کھانوں اور سافٹ ڈرنک کے کین کا کوئی اور مصرف بھی ہو سکتا ہے۔ اس سوال کا جواب دینے کیلئے نیویارک کے آرٹسٹوں نے 80 ہزار ڈبوں سے فن پارے تخلیق کئے۔ اس نمائش سے حاصل ہونے والی رقم 45 ہزار غریب خاندانوں پر خرچ کی جائے گی ۔ نیو یارک کا بروک فیلڈ پیلس آرٹ گیلری بن گیا جہاں دلکش فن پاروں کی نمائش شروع ہوئی ہے۔ کین سٹرکشن نامی نمائش گزشتہ پچیس برس سے منعقد کی جارہی ہے۔ اس برس 27 ٹیمیں اس میں حصہ لے رہی ہیں۔ آرٹسٹوں نے کھانوں اور سافٹ ڈرنکس کے 80 ہزار کینز سے آرٹ کے خوبصورت نمونے تخلیق کئے جن کی نمائش 15 نومبر تک جاری رہے گی۔ نمائش سے حاصل ہونے والی رقم نیویارک کے 45 ہزار غریب خاندانوں پر خرچ کی جائے گی۔