نئی دہلی:بھارتی میڈیا نے پاکستانی ہائی کمیشن کے افسر محمود اختر کی گرفتاری کی خبروں کی تردید کر دی ۔ پاکستانی ہائی کمیشن کا کہنا ہے کہ کوئی اہلکار گرفتار ہی نہیں ہوا ۔

بھارتی میڈیا کے مطابق دہلی پولیس نے پاکستانی سفارتی افسر محمود اختر کو پانچ ساتھیوں سمیت گرفتار کر گیا ہے ۔ میڈیا رپورٹس کے مطابق سفارتی عملے سے حساس دستاویزات ملی ہیں ۔ تاہم بعد ازاں سفارتی استثنیٰ ہونے کی وجہ سے محمود اختر کو چھوڑ دیا گیا ۔

بھارتی میڈیا کا یہ بھی کہنا تھا کہ پاکستانی ہائی کمشنر عبدالباسط کو بھی بھارتی وزارت خارجہ طلب کیا گیا ہے ۔

دوسری جانب پاکستانی ہائی کمیشن کے مطابق سفارتی عملے کو ہراساں کرنا بھارت میں معمول ہے ، لیکن کوئی اہلکار گرفتار نہیں ہوا ۔