Near the end of the war of words between Miandad and Afridi

جاوید میانداد اور شاہد آفریدی کے درمیان جاری لفظی جنگ کا آج خاتمہ ہورہا ہے کیونکہ دونوں کرکٹرز آج ملاقات کرکے گلے شکوے دور کرکے اس تنازع کو ختم کردیں گے

دونوں اسٹارز کی خفیہ ملاقات ،خفیہ مقام پر ہوگی،دونوں میں صلح کرنے والوں نےمیڈیا کو دور رکھنے کی صلاح بھی دی ہے،
میڈیا تند و تیز سوالات پوچھےگا،پھر سے اگر کسی کرکٹرزکی زبان پھسل گئی تو پھر ایک نیا تنازع کھڑا ہو، اسی لئے اس خفیہ ملاقات کی ویڈیو اوردونوں کپتانوں کے ویڈیو پیغامات میڈیا کوبعد میں دی جائے گی۔

آٹھ روز پہلے اس تنازع نے جنم لیا تھا جب دونوں نے ایک دوسرے پر الزامات کی بوچھاڑ کردی تھی، لفظی جنگ کے بعد معاملہ عدالتی جنگ میں بدلنے والا تھا۔

لیکن رکن پارلیمنٹ اقبال محمد علی اور شاہد آفریدی کے چچا اقبال شاہ کی کوششوں سے دونوں کے درمیان دوریاں ختم ہوگئیں اور دونوں ملنے کو تیار ہوگئے۔