سرائے عالمگیر(نمائندہ خصوصی)ایم پی اے مسلم لیگ ن حلقہ پی پی 115 چوہدری شبیر آف کوٹلہ نے میڈیا سے بات چیت کر تے ہوئے بتایا کہ مسلم لیگ ن ایک ایکائی کا نام ہے جس میں وطن سے محبت کرنے والے شامل ہیں ماضی گواہ ہے کہ میاں برادران نے ہمیشہ ذاتی مفاد سے ہٹ کر ملک و قوم کے مفاد میں فیصلے کیے ہیں 98 میں ایٹمی دھماکے، میٹروبس، چین کے تعاون سے بجلی بحران کو کنٹرول کرنے کے اقدامات ،اقتصاددی راہداری منصوبہ، روس سے تعلقات یا شنگھائی تعاون تنظیم کی ممبر شپ میاں برادران کی اس سوچ کا مظہر ہے کہ خوشحال پاکستان ہی دنیا کے خداوں کا مقابلہ کر سکتاہے اس وقت پاک افواج پاکستان اور حکومت پاکستان، پاکستان کی بقا اور ترقی کے نقطے پر متفق ہیں انہوں نے کہاکہ دہشتگردوں کے خلاف کاروائی سے ان کی کمر ٹوٹ چکی ہے جبکہ کرپشن زدہ عناصر ملک چھوڑنے کی تیاریاں کر رہے ہیں مگر اب بہت دیر ہو چکی ان کو عوام کا لوٹا ہوا پیسہ واپس کرنا ہوگا، ،لیکن تمام کام حکومت نے ہی نہیں کرنے بلکہ مقامی سطح پر ہم سب کو مل کربلا تفریق علاقائی ترقی و خوشحا لی کے لیے کام کرناہوگا،ایسے وقت ہمیں بھی یاد رکھنا ہوگا کہ کہ پاکستان ہے تو ہم دنیامیں عزت کی نگاہ سے دیکھے جاتے ہیں، ہم آنے والی نسلوں کے لیے کیا کررہے ہیں اور کیا دے سکتے ہیں یہ بات ہماری سوچ کا مرکز ہونا چاہیے تاکہ نے والے نسلوں کے سامنے ہمیں شرمندہ نہ ہونا پڑھے انہوں نے کہاکہ اپنے قائد میاں برادران کے وژن پر عمل کرتے ہوئے علاقے میں عوام کی خوشحالی کے لیے کام کیااور پی پی 115میں سکول، کالجز، سمیت پلوں اور سٹرکوں کی تعمیر کرکے آنے والی نسلوں کی آسانی کا سامان کیاہے عوام کو بنیادی کی فراہمی اور قائدین کے حکم کی پیروی میں آخری حد تک جانے کو تیار ہوں اس وقت مسلم لیگ ن اقتدار میں ہے انٹرنیشنل حالات کو دیکھتے ہوئے پاک آرمی،اور حکومت جس منزل کے حصول کے لیے رواں دواں ہے انشاللہ عوام کو جلداس کے مثبت اثرات ملیں گے اور پاکستان دنیاکے ترقی یافتہ ممالک کی صف میں کھڑا ہوگا۔
