اسلام آباد (ویب ڈیسک ) جمعیت علما ءاسلام (ف)کے سربراہ مولانا فضل الرحمٰن نےکہا ہے کہ آزادی مارچ ہر صورت ہوگا،اگر انہیں گرفتار کیا گیا تو وہ جیل سے مارچ کی قیادت کریں گے، مولانا فضل الرحمان نے جمعیت علماء پاکستان کےمرکزی صدر پیر اعجاز ہاشمی سے ملاقات کےبعد میڈیا سے گفتگو کرتے ہوئے کہاکہ جعلی حکومت کو گھر جانا ہوگا،جعلی وزیر اعظم اقوام متحدہ میں کشمیر کا مقدمہ نہیں لڑ سکتا،عالمی طاقتیں کشمیر کے مسئلے پر ہمارے ساتھ نہیں، شیخ رشید نے آزادی مارچ پر کوئی پیغام بھیجا نہ بات ہوئی،پیپلز پارٹی اور ن لیگ سمیت تمام سیاسی جماعتیں جمہوریت اور آزادی مارچ پر متفق اور رابطےمیں ہیں،حکومت کے جانے کا وقت قریب ہے،جمعیت علما پاکستان کے مرکزی صدر پیر اعجاز ہاشمی نے آزادی مارچ کی مکمل حمایت کا اعلان کرتے ہوئے کہاکہ نئے پاکستان میں ہرایک پابندی سے لاوا پھٹے گا اسلئے آزادی مارچ امن وامان کیلئے ناگزیر ہو چکا ہے۔ یاد رہے کہ مسلم لیگ (ن) کے رہنما و سینیٹر پرویز رشید نے کہا ہے کہ مسلم لیگ (ن) نے دھرنے میں شرکت کا اصولی فیصلہ کر لیا ہے، ہو سکتا ہے ما رچ لا ہو ر سے چلے اور وزیر اعظم عمران خا ن نئے انتخابات کا مطالبہ مان لیں، پیپلزپارٹی سمیت تمام اپو زیشن جما عتیں آزادی مارچ میں شرکت کریں گی۔ پیر کے روز ایک انٹرویو میں انہو ں نے کہا 30ستمبر کو مسلم لیگ ن کا پارٹی اجلا س منعقد ہو رہا ہے جہا ں تک میرے علم میں ہے اراکین کی بہت بڑی تعداد چاہتی ہے کہ وہ اس آزادی مارچ میں شامل ہو جا ئیں۔ انہو ں نے کہا کہ پا کستانی عوام کا صبر کا پیما نہ لبریز ہو چکا ہے اگر سیا سی جما عتیں اس وقت پا کستان کی عوام کی ترجما نی نہیں کریں گی تو اپنا نقصان کریں گی اورعوام کے غصے کا شکا ر بھی ہو نگی جن اصولو ں کے لئے مارچ کیا جا رہا ہے وہ اصول ایسے ہے کہ اس میں تمام اپو زیشن جما عتیں شریک ہو نگی ابھی کا فی ٹائم پڑا ہو ا ہے پیپلزپارٹی بھی اس ما رچ میں شامل ہو جا ئے گی کیو نکہ سب کو پتا ہے کہ یہ ایک قابض حکو مت ہے لہذا قبضہ چھڑوانے کے لئے شامل ہو نا نیکی کا کام ہے۔ انہو ں نے مزید کہا کہ وہ سکتا ہے آزادی ما رچ لا ہو ر سے چلے اور خان صاحب مطالبات تسلیم کر لیں یہ بھی ہو سکتا ہے کہ مارچ گوجرانو الہ میں پہنچے اور عمران خان کہیں کہ آو¿ بیٹھ کر بات کر تے ہیں اور نئے انتخابات کروانے پر رضامندی کا اظہا ر کر دیں کیو نکہ انہو ں نے خود تسلیم کیا ہے کہ بڑے آدمی ہی یو ٹرن لیتے ہیں چونکہ خان صاحب بڑے آدمی ہے اس لئے وہ یو ٹرن لے سکتے ہیں۔
