کراچی: پر اسرار طور پر لاپتہ ہونے والے جامعہ کراچی کے ایسوسی ایٹ پروفیسر ڈاکٹر محمد اسماعیل 19 روز بعد گھر واپس پہنچ گئے۔

جامعہ کراچی کے شعبہ اصول دین سے تعلق رکھنے والے  ایسوسی ایٹ پروفیسر ڈاکٹر محمدا سماعیل گزشتہ کافی روز سے غائب تھے، ان کی اہلیہ آمنہ اسماعیل نے بات کرتے ہوئے بتایا تھا کہ 14 اور 15 ستمبر کی درمیانی شب چند رینجرز اہلکار ان کے گھر آئے تھے جو انہیں اپنے ساتھ لے گئے تھے۔ تاہم اب ان کے اہل خانہ کا کہنا ہے کہ پروفیسر  ڈاکٹر محمدا سماعیل گھر پہنچ گئے ہیں، وہ گزشتہ شب رات دو بجے گھر پہنچے ہیں اور صحیح سلامت ہیں۔