mian-hanif-Chief-Executive-PML-N-France

پیرس(ایس ایم حسنین) چیف ایگزیکٹو پاکستان مسلم لیگ ن فرانس میاں حنیف نے یس اردو سے بات کرتے ہوئے کہا ہے کہ حکومت اور عوام فوج کے شانہ بشانہ ہیں یہی بات عمران خان اور انڈین لابی کیلئے اضطراب کا باعث ہے۔اور وہ جھوٹے پروپیگنڈے کر کے قوم کا وقت ضائع کررہے ہیں۔ حکومت کی کارکردگی روز روشن کی طرح عیاں ہے ۔

میاں محمد نواز شریف صاحب کا وژن اور کثیر المقاصد پالیسیوں کا تسلسل ہے کہ ہم عالمی سطح پر بہترین قومیوں میں سے ایک بن چکے ہیں یہی نہیں پہلی مرتبہ ہندوستان کو اس کی زبان میں جواب دے کر موثر سفارتکاری کے ذریعے اس کو اپاہج بنایا گیا ہے۔ یہ وہ کامیابیاں ہیں جو کپتان اور اسکے ننھے منے نونہال سیاستدانوں کو بیس سال میں بھی سمجھ میں آجائے تو غنیمت ہے

انہوں نے مزید کہا کہ میاں محمد نواز شریف صاحب کے زیرک اور الرٹ نقاد اور سیاستدان بھی ان کا ملکی ترقی کا کثیر المقاصد وژن  دس سال بعد سمجھ سکیں گے جب اس کے اثرات پورے خطے پر مرتب ہو چکے ہوں گے اور گوادر پورٹ اور سی پیک فنکشنل ہو چکا ہوگا۔