پھلیلی پولیس نے مقابلے کے دوران 8افراد کے اجتماعی قتل اور شادی سے انکار پر لڑکی کے قتل سمیت سنگین جرائم میں ملوث ملزم زخمی حالت میں گرفتار اور کلاشنکوف برآمد کر لی ہے۔زخمی ملزم کو طبی امداد کیلئے سول اسپتال لایا گیا تھا۔

Mass murderer: killing of eight people arrested slaughterer

علاوہ ازیں لطیف آبا د نمبر 11سے قانون نافذ کر نے والے اداروں کے اہلکار متحدہ لندن گروپ کے سابق سیکٹر انچارج لانڈھی کو گرفتار کر کے لے گئے۔ تفصیلات کے مطابق ایس ایچ او پھلیلی رانا پر ویز اختر اسٹاف کے ہمراہ جڑیل شاہ کالو نی قبرستان کے قریب چیکنگ میں مصروف تھے کہ اس دوران انہوں نے ایک مشکوک شخص کو رکنے کا اشارہ کیا جس پر اس نے فائرنگ شروع کر دی۔ پولیس نے جوابی فائرنگ کے بعد زخمی ہو نے والے ملزم عامر عرف عمرو ولد عبداللہ سکنہ کھی غلام شاہ، شکار پو ر کو گرفتار کر کے اس کے قبضے سے ایک کلا شنکوف برآمد کر لی ہے۔ پھلیلی پو لیس کے مطابق گرفتار ملزم نے 2013ءمیں فائرنگ کر کے 8افراد کا اجتماعی قتل کیا تھا۔ بعد ازاں اس نے شادی سے انکار پر اپنے گوٹھ میں ایک لڑ کی کو بھی قتل کیا تھا۔ پولیس کا کہنا ہے کہ گرفتار ملزم ٹارگٹ کلنگ اور قتل کی متعدد وارداتوں کے علاوہ دیگر سنگین جرائم میں بھی پو لیس کو مطلوب تھا۔گرفتار ملزم کیخلاف پھلیلی تھانے سمیت کئی تھانوں میں درجنوں کیسز درج ہیں۔