اسلام آباد ( مانیٹرنگ ڈیسک ) بحریہ ٹاون کے مالک ملک ریاض جان لیوا مرض کا شکار بن گئے ہیں ، ملک ریاض کے وکیل نے سپریم کورٹ میں جواب جمع کروایا ہے ، کہ بحریہ ٹاون کے مالک ملک ریاض کینسر کے مرض میں مبتلا ہوگئے ہیں اور علاج کے لئے بیرون ملک گئے ہیں ،
تفصیلات کے مطابق بحریہ ٹاون کے مالک ملک ریاض جان لیوا مرض کا شکار بن گئے ہیں ، ملک ریاض کے وکیل نے سپریم کورٹ میں جواب جمع کروایا ہے کہ بحریہ ٹاون کے مالک ملک ریاض کینسر کے مرض میں مبتلا ہوگئے ہیں ، ملک ریاض کینسر کے مرض کے علاج کے غرض سے ہی بیرون ملک گئے ہیں ، جلد ہی ملک ریاض کی سرجری کی جائے گی ، سرجری کے بعد ملک ریاض کو کئی ہفتے کا آرام درکار ہوگا ، اس سے قبل گزشتہ روز اسلام آباد کے مضافاتی علاقہ موضع تمیر میں قبضہ مافیا سے سرکاری جنگلات کی اراضی واگزار کروانے کے موقع پر میڈیا سے گفتگو کرتے ہوئے وزیر مملکت برائے داخلہ شہر یار آفریدی کا کہنا تھا کہ چئیرمین بحریہ ٹاؤن ملک ریاض کو حکومت نے ایک مرتبہ ملک سے باہر جانے کی اجازت دی ہے ، اس سوال کہ ملک ریاض نے کس بات کے لیے باہر جانے کی اجازت طلب کی ؟ کے جواب میں وزیر مملکت برائے داخلہ شہر یار آفریدی کوئی جواب نہ دے سکے اور بات گول کر گئے ، انہوں نے کہا کہ ہماری کسی سے ذاتی دشمنی نہیں ہے اور قانون اس بات کی اجازت دیتا ہے
جس کا نام ایگزٹ کنٹرول لسٹ میں ہے ، وہ ایک مرتبہ بیرون ملک جا سکتا ہے ، انہوں نے کہا کہ قانونی تقاضے پورے کرنے کے بعد ہی ملک ریاض کو بیرون ملک جانے کی اجازت دی گئی ہے ، قانون سب کے لیے برابر ہے ، یاد رہے کہ جعلی اکائونٹس کیس میں چئیرمین بحریہ ٹاؤن ملک ریاض سمیت 172 افراد کے نام ای سی ایل میں ڈالے گئے تھے ، سپریم کورٹ کے حکم پر بلاول بھٹو زرداری اور وزیر اعلیٰ سندھ سید مراد علی شاہ کا نام ای سی ایل سے نکال دیا گیا تھا ، بعض میڈیا چینلز نے بتایا کہ ملک ریاض لندن چلے گئے ہیں اور دس روز میں واپس آنے کی یقین دہانی کروا کر گئے ہیں ، تقریب سے خطاب کرتے ہوئے وزیرمملکت برائے داخلہ شہریار آفریدی نے وزیراعظم عمران خان کے وژن سے متعلق بات کرتے ہوئے کہا کہ کلین اینڈ گرین پاکستان وزیراعظم عمران خان کا وژن ہے جس کے تحت قبضہ مافیا اور تجاوزات کنندگان سے سینکڑوں ایکڑ اراضی واگزار کروائی جا چکی ہے ۔ یہ بھی پڑھیں : ’’واہ میرے مولاتیری شان‘‘ میرے محمد رسول اللہ ﷺ کی شان میں گستاخی کرنے والے ملعون گیرٹ وائلڈر کے سب سے قریبی ساتھی کو اچانک ایسا کیا نظر آیا کہ اس نے فوراً اسلام قبول کر لیا ؟ پوری دنیا میں نعرہ سبحان اللہ بلند
