پیرس، تمام پاکستانی وکشمیری کمیونٹی سیاسی وسماجی ومذہبی راہنما  27 اکتوبربروزاتوار شام 04 بجے بھارت کیخلاف مظاہرے کو کامیابی بنانے کیلئے بھرپورکرداراداکریں، یاسر خان

پیرس؍اسلام آباد(ایس ایم حسنین) تحریک انصاف فرانس کے مرکزی راہنما یاسر خان  نے پاکستانی وکشمیری کمیونٹی اورپیرس کے تمام سیاسی وسماجی اورمذہبی جماعتوں کے راہنمائوں  سے اپیل کرتے ہوئے کہا ہے کہ پاکستانی وکشمیری کمیونٹی 27 اکتوبر بروز اتوار شام 04 بجے بھارت کیخلاف مظاہرے میں بھرپورشرکت کو یقینی بنائے۔

انہوں نے کہا کہ کل بروز اتوار27 اکتوبر شام 04 بجے تمام کمیونٹی کی طرف سے بھرپور اتحاد کا پیغام دینے کیلئے ہرفرد اپنا کردار ادا کرے۔ یہ  فیصلہ کن دن ہے جب پوری دنیا کو بتایا جائیگا کہ  بھارت نے کشمیر پرتمام علامی قوانین اور ضابطوں کو نظرانداز کرتے ہوئے مقبوضہ کشمیر پرغاصبانہ قبضہ کیا تب سے آج تک 70سال سے کرفیو، خواتین کی عصمت دری، بچوں ، جوانوں کا بے دردی کیساتھ قتل، کشمیریوں کی املاک کا نقصان انھیں شناخت پریڈ کے بہانے حبس بے جا میں رکھنا اور تمام ظلم وستم روا رکھے گئے جو کسی بھی طرح مہذب دنیا میں قابل قبول نہیں ہیں۔

انہوں نے اپنے تمام عزیزوں ، دوستوں اورسیاسی وسماجی راہنمائوں سےاپیل کی ہے اور کہا ہے کہ مقبوضہ کشمیر پر بھارت کاغاصبانہ قبضہ کسی صورت قبول نہیں اب ظلم کی رات کی سحر ہونی ہے انشااللہ مظلوم کشمریوں کی جدوجہد رنگ لائیگی اور وہ آزادی کا سورج طلوع ہوتے دیکھیں گے۔ حکومت پاکستان اور پاک فوج کے شانہ بشانہ مقبوضہ کشمیر کا مقدمہ پوری دنیا کے سامنے لڑیں گے اور 27 اکتوبرکوپیرس کا ایفل ٹاور کشمیر بنے کا پاکسستان کے نعروں سے گونج اٹھے گا۔ کل بروزاتوار پیرس کے ایفل ٹاور پرپاکستانی اورکشمیری پرچموں کی بہار آئیگی اور پوری فضا پر چھا جائیگی۔