تحریک انصاف فرانس کے نامزد صدر ملک عابد کی طرف سے تمام اہل ایمان، دوستوں احباب کو ربیع الاول کے مبارک ماہ کی آمد کی مبارکباد
پیرس؍اسلام آباد(ایس ایم حسنین) پاکستان تحریک انصاف فرانس کے نامزد صدر عابد ملک نے دنیا بھر میں تمام مسلمانوں کو ربیع الاول کے مبارک ماہ کی آمد کی مبارکباد کا پیغام دیتے ہوئے کہا ہے کہ اللہ تعالیٰ نے ہمیں ہزاروں نعمتیں دیں ان نعمتوں میں سے ایک ربیع الاول کا پاک اورمبارک مہینہ ہے جس کے آتے ہی گلیاں وبازار چمکنے اوردمکنے لگتے ہیں۔ آسمانی اور دنیاوی نور کی ساعتوں میں صلوٰۃ وسلام کی صدائوں سے گلی کوچے مبارک آمد کا پیغام دینے لگتے ہیں
اللہ تعالیٰ نے رحمت العالمین حضرت محمد مصطفیٰ ﷺ کی بعثت سے ہم پروہ احسان کیا ہے جو نہ گزشتہ امتوں پرکیا اور نہ ہی زمانوں پر لہذا یہ مبارک ماہ اول سے آخر مجسم رحمت ہے۔ اللہ کی رحمت کی گھڑیاں تمام برادران ایمانی خصوصاً تحریک انصاف کے دوستوں، سیاسی وسماجی راہنمائوں عزیزوں کو بہت بہت مبارک ہو۔
اس مقدس مہینے میں ذات رؤف الرحیم نے نبی اکرم ﷺ کی بعثت سے سرزمین عرب کو پوری کائنات میں شرف و بزرگی کا تاج پہنایا اورہدائت کے نور کو مقدس سرزمین میں اتارا۔ غرضیکہ ہزاروں ایسی عنایات جو ہمارے تصور سے ماورا ہیں اس نے ہمیں عطا فرمائیں