make-eyes-beautiful-for-pleasent-personality

آنکھوں کی خوبصورتی ہر کسی کی شخصیت کی کشش میں اضافہ کرنے میں نہایت اہم کردار ادا کرتی ہے، چارمنگ نظر آنے کے لیے آپکی آنکھوں کا برائٹ، فریش، اور پرکشش ہونا بہت ضروری ہے، اور آنکھوں کو اٹریکٹو بنانے کے لیے کیمیکل سے بنی اشیأ کا استعمال ضروری نہیں بلکہ قدرتی ٹپس سے بھی آنکھوں کی دلکشی میں بےپناہ اضافہ کیا جا سکتا ہے۔ لیکن یہ عمل شروع کرنے سے پہلے آپکو دیکھنا ہو گا کہ آپکی آنکھوں کے گرد سیاہ دھبے یا جھریاں تو نہیں؟ آپکی آنکھیں تھکی ہوئی تو نہیں لگتیں؟ آپکے ڈیلے ضرورت سے زیادہ بڑے تو نہیں یعنی پفی آئیز تو نہیں؟ آپکے گال جتنے مرضی پیارے ہوں؟ آپکا رنگ جتنا مرضی سفید پنک ہو، جب نظر آپکی آنکھوں پر جائے گی تو ساری خوبصورتی دھری کی دھری رہ جائے گی۔ اس لیے آپ جب تک ان مسائل پر قابو نہیں پا لیتے آپکا اپنی شخصیت اور آنکھوں کو پرکشش بنانے کا خواب کبھی شرمندہ تعبیر نہ ہوگا۔ آنکھوں کی خوبصورتی بڑھانے کا زبردست ٹوٹکہ۔ ہلدی پاؤڈر آدھا چائے کا چمچ۔ لیمن جوس ایک کھانے کا چمچ۔ کھیرا آدھا کاٹ لیں، آلو نارمل سائز۔ چاروں اجزأ کو گرائنڈر میں ڈال کرپیسٹ بنالیں، اور پیسٹ کو دو سے تین منٹ کے لیے فریج میں رکھ دیں۔ پھر لیٹ کر آنکھوں کے اوپر اور ارد گرد لگا دیں۔ بیس منٹ بعد تازہ پانی سے آنکھیں دھو لیں۔ سیاہ دھبے ختم کرنے، آنکھوں کو اندر باہر سے سفید کرنے، آنکھوں کی فریشنس میں اضافہ کرنے میں بےمثال ٹوٹکہ ہے۔ پندرہ دن روزانہ رات کو سونے سے پہلے لگائیں۔ ایک سٹرابری سے آنکھیں حسین بنائیں۔ روزانہ دن میں ایک عدد سٹرابری کو فریج سے نکال کر برابر سائز میں چار سلائیس بنالیں، اور بدل بدل کر آنکھوں پر رکھیں، اور اپنی ڈل آنکھیں پرکشش بنائیں۔ عرق گلاب سے آنکھیں پیاری کرنا۔ یہ بات ہر کوئی جانتا ہے کہ عرق گلاب آنکھوں کی عام صحت، اور آنکھوں کی صفائی کے لیے بہترین قدرتی کلینزر ہے اور آنکھوں کی گہرائی میں جا کر انہیں برائٹ کرنے میں اپنی مثال آپ ہے۔ بیس دن روزانہ خالص عرق گلاب کے ایک سے دو قطرے دونوں آنکھوں میں ڈالیں، اور اپنی آنکھوں میں قدرتی سفیدی، چمک اور کشش حاصل کریں۔