LHC, diphtheria epidemic, seek clarification

عدالت کے روبرو درخواست گزار نے موقف اختیار کیا کہ محکمہ صحت اور پنجاب حکومت کی طرف سے لاپرواہی برتنے پر مرض سے 25 بچے جاں بحق ہو چکے ہیں جبکہ حکومت صحت کے فنڈز ترقیاتی کامیوں پر خرچ کر رہی ہے
لاہور (یس اُردو) لاہورہائیکورٹ نے خناق کی وبا کو روکنے کے لیے اقدامات نہ کرنے پر پنجاب حکومت ، سیکرٹری صحت اور ہلیتھ کئیر کمیشن سے 17 دسمبر کو وضاحت طلب کر لی۔لاہور ہائیکورٹ کے جسٹس خالد محمد خان نے کیس کی سماعت شروع کی تو عدالت کے روبرو درخواست گزار کے وکیل اظہر صدیق نے موقف اختیار کیا کہ محکمہ صحت اور پنجاب حکومت نے خناق کی وبا پر قابو پانے کے لیے کسی قسم کے کوئی اقدامات نہیں اٹھائے جس سے خناق کی وبا پھیلنے سے اب تک لاہور میں 25 بچے جاں بحق ہو چکے ہیں لیکن ذمہ داروں کا تعین نہیں ہو سکا ۔ جبکہ حکومت صحت کے فنڈز ترقیاتی کامیوں پر خرچ کر رہی ہے ۔
عدالت نے درخواست سماعت کے لیے منظور کرتے ہوئے فریقین سے 17 دسمبر کو تحریری وضاحت طلب کر لی ۔