Lahore: Two-storey

لاہور میں ایک گھر کی چھت گرنے سے ماں اور بچوں سمیت ایک ہی خاندان کے پانچ افراد جاں بحق ہو گئے۔ محمد زبیر کا ہنستا بستا گھر قبرستان بن گیا۔
لاہور: (یس اُردو) جمعرات کی شب شیرانوالہ گیٹ کے علاقے میں محمد زبیر کے گھر قیامت ٹوٹ پڑی۔ ساڑھے نو بجے کے قریب جب علاقے کی لائٹ گئی تو محمد زبیر کا دو منزلہ گھر کیا گرا اس کی تو زندگی کی امیدیں ہی باقی نہ رہی۔ ایک ہی خاندان سے 4 بچوں سمیت والدہ کو ملبے سے نکال کر ریسکیو 1122 نے ہسپتال منتقل کیا مگر ان میں کوئی بھی جانبر نہ ہو سکا۔ حادثے میں 14 سالہ عمیر، 13 سالہ نمرہ، 8 سالہ عبدالرحمان، 4 سالہ شایان اور ان کی والدہ زندگی کی بازی ہار گئے۔ اہل محلہ نے بھی بڑھ چڑھ کر امدادی کارروائیوں میں حصہ لیا۔ اہل محلہ کا کہنا تھا کہ گھر کی چھت کچی ہونے کے باعث یہ سنگین حادثہ پیش آیا۔