لاہورکےعلاقے راوی روڈ میں ایک گارمنٹس فیکٹری میں لگنے والی آگ نے3مزدوروں کی زندگیوں کےچراغ گل کر دیئے۔فائربریگیڈ کےعملے نےڈھائی گھنٹےکی جدوجہدکےبعد آگ پرقابو پا لیا۔
ریسکیو ذرائع کےمطابق راوی روڈکےعلاقےمیں گارمنٹس فیکٹری میں آگ صبح8بجے کے قریب لگی،کپڑےاور کیمیکلز کےباعث یہ آگ آناً فاناً پھیل گئی،جس کی لپیٹ میں آکر3مزدور شاہد ،جہانزیب اور جاوید جاں بحق ہوگئے،اطلاع ملنے پر ریسکیو اور فائربریگیڈ کی ٹیمیں موقع پر پہنچ گئیں۔
تاہم تنگ گلیوں کے باعث آگ بجھانےاور امدادی کاموں میں دشواری کا سامناکرنا پڑا،فائر بریگیڈ کی ٹیموں نےڈھائی گھنٹے کی جدوجہد کےبعد آگ پر قابو پا لیا،جاں بحق افراد کی لاشیں میواسپتال منتقل کر دی گئی ہیں،بتایاگیا ہےکہ آگ شارٹ سرکٹ کےباعث لگی۔
