مانچسٹر (ویب ڈیسک) معروف برطانوی اداکارہ وماڈل ٹینا اوبرائن نے برطانوی تاجر ایڈم کرافٹس سے اچانک شادی کرلی ،انہوں نے مانچسٹر میں نیوائیرنائٹ پارٹی کا اہتمام کیا اور مہمانوں کو وہاں آکر پتا چلا کہ 35سالہ اداکارہ اپنی زندگی کے نئے سفر کا بھی آغاز کریں گیں۔اس موقع پر ٹینا اوبرائن کا کہناتھاکہ وہ اور ایڈم کرافٹس عرصے سے ایک دوسرے کو پسند کرتے ہیں اور دونوں نے نیوائیر نائٹ پر سرپرائز شادی کرنے کا فیصلہ کیا ۔نئے سال کے آغاز کی تقریب میں آنے والے مہمانوں نے شادی کے اعلان پر تالیاں بجا کر خوشی کا اظہار کیا ،بعدازاں تقریب میں شادی کی رسومات اداکی گئیں۔ خیال رہے کہ ٹینا اوبرائن کی دنیا بھر کی طرح پاکستان میں بھی مداح موجود ہیں، یہ خبر انکے لیے بھی ایک سرپرائز تھی ۔