کراچی……سندھ اسمبلی کے گزشتہ اجلاس کے دوران ایوان میں سینئر وزیر نثار کھوڑو نے تمباکو نوشی پر ارکان سے معذرت کرلی اور کہا غلطی بے دھیانی میں ہوئی، بری عادت کو جلد چھوڑ دوں گا۔
سندھ اسمبلی کا اجلاس اسپیکر آغا سراج درانی کی زیر صدارت شروع ہوا، سینئر وزیر نثار کھوڑو کی جانب سے گذشتہ اجلاس کے دوران ایوان میں سگریٹ نوشی کرنے پر ارکان سے معذرت کی گئی جس پر اسپیکر آغا سراج درانی اور نثار کھوڑو کے درمیان دلچسپ جملوں کا تبادلہ بھی ہوا۔نثار کھوڑو نے کہا غلطی بے دھیانی میں ہوئی، شرمندہ ہوں،کوشش ہے جلد اس بری عادت کو چھوڑ دوں گا، جس پر اسپیکر آغا سراج درانی نے کہا کہ سگریٹ نوشی صحت کے لیے اچھی نہیں، میں بھی یہ عادت تین ماہ قبل چھوڑ چکا ہوں۔ عاملہ یہیں تمام نہیں ہوا، خوشگوار موڈ میں بیٹھے اسپیکر آغا سراج درانی سے دیگر ارکان نے بات کرنے کی اجازت مانگی تو آغا سراج درانی نے ان کو بھی لاجواب کردیا۔
