اردن کے جنوبی شہر کرک میں دہشت گردوں کے حملوں میں ایک کینیڈین خاتون سیاح اور 7 پولیس اہلکاروں سمیت 10 افراد ہلاک اور
27 زخمی ہوگئے ہیں۔
پولیس آپریشن کے دوران 4دہشت گردوں کو ہلاک کر دیا گیا ہے۔ قلعے میں یرغمال بنائے گئے افراد کو رہا بھی کرا لیا گیا ہے۔ مقامی حکام کا کہنا ہے کہ واقعے کا آغاز کرک کے قریب ایک گھر پر پولیس اور دہشت گردوں کے مابین مقابلے سے شروع ہوا تھا۔نامعلوم دہشت گردوں نے دو پیٹرولنگ پولیس اہل کاروں پر فائرنگ کی اور اس کے بعد ایک قدیم قلعے میں پولیس اسٹیشن کو بھی نشانہ بنایا۔ پولیس کا کہنا ہے کہ کارروائی کرتے ہوئے قلعے میں یرغمال بنائے گئے افراد کو رہا کر ا لیا گیا تھا۔آپریشن کے دوران 4دہشت گردوں کو ہلاک کردیا گیا۔ اس سے قبل حکومت کا کہنا تھا کہ دہشت گردوں کی تعداد دس ہے۔ سیکورٹی ذرائع کے مطابق زخمی افراد میں شہری اور پولیس اہلکار شامل ہیں۔
