Karachi: Target killing play, funeral of police officers in Nazimabad
کراچی کے علاقے حیدری میں ٹارگٹ کلرز کی فائرنگ سے شہید ہونے والے اہلکار کو سپرد خاک کر دیا گیا، نماز جنازہ میں آئی جی سندھ اے ڈی خواجہ، ایڈیشنل آئی جی مشتاق مہر سمیت اعلیٰ افسران نے شرکت کی، آئی جی نے ملزموں کی گرفتاری کی ہدایت کر دی، دنیا نیوز نے سی سی ٹی وی فوٹیج حاصل کر لی۔
کراچی: شہر قائد میں ایک اور پولیس اہلکار ٹارگٹ کلنگ کا نشانہ بن گیا۔ ایک اور ماں سے اس کا لخت جگر چھین لیا گیا۔ سندھ پولیس کے کانسٹیبل منور زمان نے بھی جان کی قربانی دے دی۔ بھائی اور بہنیں مقتول کی بے وقت موت پر آہ و بکا کرتی رہیں۔ ایس ایس پی سنٹرل مقدس حیدر کے مطابق، منور زمان نیو کراچی تھانے سے ڈیوٹی دیکر گھر جاتے ہوئے دہشت گردوں کی گولی کا نشانہ بن گیا۔
آئی جی سندھ نے ملزموں کی گرفتاری کی ہدایت کر دی ہے۔ ڈی آئی جی ویسٹ آفس میں جاں بحق اہلکار کی نماز جنازہ ادا کر دی گئی۔ آئی جی سندھ اے ڈی خواجہ، ایڈیشنل آئی جی کراچی مشتاق مہر سمیت اعلیٰ افسران نے نماز جنازہ میں شرکت کی۔ مقتول اہلکار کو مقامی قبرستان میں سپرد خاک کر دیا گیا ہے۔
About MH Kazmi
Journalism is not something we are earning, it is the treasure that we have to save for our generations. Strong believer of constructive role of Journalism in future world. for comments and News yesurdu@gmail.com 03128594276
